كويتيه^عيميه
10-10-2005, 06:34 PM
بسم الله الرحمن الرحيم
اليوم حبيت أتكلم عن موضوع بالنسبه لي انا أهو موضوع مهم جدا وهو علاقة الأخوة بين الشاب واخته في مجتمعنا اليوم.
كلنا نعرف أن في المجتمع القديم كان في احترام وثقه كبيره بين الأخ وأخته أما الحين
في هالمجتمع اليديد والمتطور الثقه انعدمت وقل الاخترام وتفرقوا الاخوان .
وخصوصا بين الاخ وأخته وصل لي درجة أن الشاب للأسف ما يدري عن اخته الا لاسمح
الله صار فيها شي أو سوت شي يمس سمعة العايله ،حتى السلام ما يدور بينهم ،
أعطيكم مثال واضح و أكون صريحه وياكم فيه و اهو علاقتي أنا وأخو الكبير لمن كنا صغار
كنا دوم مع بعض الي يشوفنا يقول هذيل سمنه على العسل مثل ما يقولون،بعد ما وصل
اخوي مرحله الثانويه تقريبا في الصف الاول ثنوي كنا دايما نتهاوش واشياء ثانيه كانت
تحصل ،بعدين شوي شوي قام يتغير أكثر وأكثر لي درجه ان اخوي اذا قعدت وياه بالصاله
بروحنا ما يسولف وياي حتى سلام ما يسلم الا اذا انا سلمت .انزين ليش؟شنو السبب؟
اذا كل اخو بيسوي جذي عيل الكل راح يتمنا ان ما يكون عنده اخو كبير ،أنا من راي أن
بالعكس لازم يكون علاقه الاخ مع خوانه وخواته علاقه حميمه وقويه،وللأسف لمن تقول
حق الأهل يعني الأم والأب ليش اخوي جذي ما يعاملنا عدل احنا مو خوانه ....الخ،تدرون
شنو يكون جوابهم: عادي اهو الحين بسن المراهقه يشوف نفسه أنه اهو الكبير وجذي
هذا الرد بالنسبه لي انا رد سيء وهذا مثال بسيط بس الحقيقه في مجتمعنا الحالي
في أمثله كثيره،شنو يصير اذا الأخو تقرب من أخته؟ويشكيلها همومه؟او حتى يقعد
وياها يسولف عن اي شي ؟.
أنا ما اقول كل الشباب جذي بس للأسف الأغلبيه جذي،وهذا اهو موضوعي المهم.أحلى
شي بالدنيا أن يكون عندك أحد و مو اي احد يكون قريب منك وتشكيله همك وتقوله الي
بقلبك بس يكون غير امك وابوك لأن الصراحه مو كل شي ينقال حق الام والأب بس
يمكن ينقال حق اخوك او اختك .
على العموم هذا موضوع طويل جدا نهايته بايدنا بس للأسف ما في احد يساهم بأنه
يحط نقطة نهايه حق هالموضوع ومثل ما انتو عارفين هذا الموضوع مهم يتكلم عن احد
عناصر المجتمع بس هذا اختصار للموضوع . وماني مطوله أكثر عليكم وسامحوني.
ويريت تنوروني بآراءكم وشكرا.
تحياتي لكم
أختكم كويتيه^عيميه
اليوم حبيت أتكلم عن موضوع بالنسبه لي انا أهو موضوع مهم جدا وهو علاقة الأخوة بين الشاب واخته في مجتمعنا اليوم.
كلنا نعرف أن في المجتمع القديم كان في احترام وثقه كبيره بين الأخ وأخته أما الحين
في هالمجتمع اليديد والمتطور الثقه انعدمت وقل الاخترام وتفرقوا الاخوان .
وخصوصا بين الاخ وأخته وصل لي درجة أن الشاب للأسف ما يدري عن اخته الا لاسمح
الله صار فيها شي أو سوت شي يمس سمعة العايله ،حتى السلام ما يدور بينهم ،
أعطيكم مثال واضح و أكون صريحه وياكم فيه و اهو علاقتي أنا وأخو الكبير لمن كنا صغار
كنا دوم مع بعض الي يشوفنا يقول هذيل سمنه على العسل مثل ما يقولون،بعد ما وصل
اخوي مرحله الثانويه تقريبا في الصف الاول ثنوي كنا دايما نتهاوش واشياء ثانيه كانت
تحصل ،بعدين شوي شوي قام يتغير أكثر وأكثر لي درجه ان اخوي اذا قعدت وياه بالصاله
بروحنا ما يسولف وياي حتى سلام ما يسلم الا اذا انا سلمت .انزين ليش؟شنو السبب؟
اذا كل اخو بيسوي جذي عيل الكل راح يتمنا ان ما يكون عنده اخو كبير ،أنا من راي أن
بالعكس لازم يكون علاقه الاخ مع خوانه وخواته علاقه حميمه وقويه،وللأسف لمن تقول
حق الأهل يعني الأم والأب ليش اخوي جذي ما يعاملنا عدل احنا مو خوانه ....الخ،تدرون
شنو يكون جوابهم: عادي اهو الحين بسن المراهقه يشوف نفسه أنه اهو الكبير وجذي
هذا الرد بالنسبه لي انا رد سيء وهذا مثال بسيط بس الحقيقه في مجتمعنا الحالي
في أمثله كثيره،شنو يصير اذا الأخو تقرب من أخته؟ويشكيلها همومه؟او حتى يقعد
وياها يسولف عن اي شي ؟.
أنا ما اقول كل الشباب جذي بس للأسف الأغلبيه جذي،وهذا اهو موضوعي المهم.أحلى
شي بالدنيا أن يكون عندك أحد و مو اي احد يكون قريب منك وتشكيله همك وتقوله الي
بقلبك بس يكون غير امك وابوك لأن الصراحه مو كل شي ينقال حق الام والأب بس
يمكن ينقال حق اخوك او اختك .
على العموم هذا موضوع طويل جدا نهايته بايدنا بس للأسف ما في احد يساهم بأنه
يحط نقطة نهايه حق هالموضوع ومثل ما انتو عارفين هذا الموضوع مهم يتكلم عن احد
عناصر المجتمع بس هذا اختصار للموضوع . وماني مطوله أكثر عليكم وسامحوني.
ويريت تنوروني بآراءكم وشكرا.
تحياتي لكم
أختكم كويتيه^عيميه