روحي تحبك

[عربي]

;)


روحي تحبك والغلا ذابحنّي ... ودي بشوفك يا حياتي ولاماك

حبٍ قديمٍ في الضماير سكنّي ... داخل حنايا القلب رسمك وموطاك

أهواك أنا ولا حد غيرك فتنّي ... لك صادق الإحساس والعمر يفداك

أهواك يا ساكن بفكري وظنِّي ... طيفك يشاغلني وادوِّر على رْضَاك

أصون حبك بالغلا لو محنّي ... غالي معي يا كبر حبك ومَغْلاك

إنته وانا والأصل منّك ومنّي ... كل السعادة والأمل في محيّاك

حكم الزمن مبعدك يا زين عنّي ... روح المشاعر تشتكي طول فرقاك

بادر بوصلك ما يفيد التمنّي ... وانا مقدِّر لك ظروفك وارعاك

[ماى ورد]

أصون حبك بالغلا لو محنّي ... غالي معي يا كبر حبك ومَغْلاك
صح السانك عربى مدرى هى لك ولا حقت شاااعر غيرك.على العموم ان كانت لك تراهاا جميلة وان كانت لغيرك فهى جميلة ويعطيك الف عاااافية عربى

[امواج]

صح لسانك ولا هنت يالعربي على هالقصيده الرائعه تحيااااتي لك عزيزي

[ضوء القمر]

حكم الزمن مبعدك يا زين عنّي ... روح المشاعر تشتكي طول فرقاك

بادر بوصلك ما يفيد التمنّي ... وانا مقدِّر لك ظروفك وارعاك


مشكور يالعربي

تحياتي لك